BUXORO DAVLAT UNIVERSITETI REKTORINING XORIJIY TILLAR FAKULTETI BITIRUVCHI TALABALAR BILAN UCHRASUVDAGI TAASSUROTLARI

Buxoro davlat universitetida talabalarning bo‘sh vaqtlarini mazmunli o‘tkazish, ularni qo‘shimcha ish bilan taʼminlash, shijoatli yoshlarning faolligini oshirish, kasbiy mahoratini yuksaltirish uchun yo`l-yo`riq ko`rsatish, mustaqil fikrlovchi, tashabbuskor talabalarni maqsadga yo`naltirish borasida amaliy ishlar olib borilmoqda. Bugun Prezidentimiz oliy o‘quv yurtlari talabalari bandligini taʼminlash bo‘yicha ustuvor vazifalarga bag‘ishlangan videoselektor yig‘ilishida ilgari surgan vazifalar ijrosi yuzasidan bo`lib o`tgan “Rektor va yoshlar uchrashuvi” ana shu ezgu maqsadni ko`zladi.  

Xorijiy tillar fakultetining ko`p sonli bitiruvchilari bilan bo`lib o`tgan ochiq muloqot o`zaro savol-javob tarzida davom etdi. Buxoro davlat universiteti rektori Obidjon Xamidov tomonidan Xorijiy til mutaxassisi sifatida bo‘lajak kadrlarni tayyorlash jarayonida universitet auditoriyalaridagi sifatli darslar bilan bir qatorda amaliyot davomida olingan nazariy hamda amaliy bilimlarning roli beqiyos ekanligi uqtirildi. Shu ma’noda amaliyotchi talabaga eng kam ish haqi miqdorida mablag` ajratilishi, Xalqaro til bilish darajasini belgilovchi sertifikatga ega talabalarning imkoniyatlari kengayishi, ta’lim davomida ko`proq amaliyotga e’tibor beriladigan tizimga o`tilishi xususidagi yangiliklarni o`rtoqlashdi.

BuxDU rektori Obidjon Xamidov tomonidan xalqaro xorijiy tillarni bilish darajasini belgilovchi sertifikatga ega hamda ularni egallash arafasida turgan talabalar, rasmiy ish o`rniga ega hamda norasmiy sohalarda (tarjimonlik, repetitorlik, administratorlik va h.k.) faoliyat yuritayotgan talabalar bilan suhbatlashildi. Ularning kelgusidagi rejalari, maqsadlari bilan o`rtoqlashildi. 

Muloqot davomida talabalar tomonidan ta’lim jarayoni bilan bog‘liq barcha savollarga, xususan, talabalar tomonidan ishga joylashish va talabga javob beradigan kadrning sifatlari, xorijiy oliy ta’lim muassasalarida o`qishni davom ettirish, aholi orasida xorijiy tillarni o‘rganishni ommalashtirish maqsadida repetitorlik faoliyatini yo`lga qo`yishni tashkillashtirish, fliranserlik faoliyatidan daromad topish kabi savollarga atroflicha javob berildi.Mening kelajakdagi orzularim juda ham ko'p.Gid hamrohligi va tarjimonlik sohasining eng yetuk sohibasi bo'lish.Kelajakda yurtimiz ravnaqi uchun hissa qo'shadigan inson bo'lib yetishaman,-deydi Barotova Farangiz.