MUVAFFAQIYATLI KASB EGALARI BILAN UCHRASHUV

Joriy yilning 24 - fevral sanasida Axborot texnologiyalari fakulteti bitiruvchilarini  ishga joylashishga ko`maklashish, talabalarni ish bilan bandligini ta`minlash maqsadida viloyatimizdagi IT park Buxoro viloyat filiali hamkorligida “MUVAFFAQIYATLI KASB EGALARI BILAN UCHRASHUV ” mavzusida davra suhbati o`tkazildi.

Suhbatdan ko`zlangan maqsad bitiruvchi yoshlarni aniq bir sohaga jalb etish va ularga bu borada kerakli va eng muhim bo`lgan tushunchalar berish, hamda zarur yo`l-yo`riqlar ko`rsatib o`tish hamda bituruvchilarning o’z kasblari bo’yicha yetuk mutaxassis bo’lib chiqishlari uchun ko’mak berishdan iborat. Suhbat savol-javob, muhokama ko`rinishida olib borildi. Davra suhbatida Axborot texnologiyalari fakulteti dekani H.I. Eshankulov, Axborot texnologiyalari kafedrasi mudiri T.R. Shafiyev, Axborot texnologiyalari fakulteti yoshlar bilan ishlash bo`yicha dekan o`rinbosari J.J.Atamurodov, Axborot texnologiyalari kafedrasi dotsenti N.S. Sayidova, 4-kurs Kasb ta`limi (Informatika va axborot texnologiyalari) yo`nalishi bitiruvchilari hamda IT park Buxoro viloyat filiali Startup ekotizimini rivojlantirish bo`yisha menedjer O`tkir Qayumovich Xurramov ishtirok etdilar.

Axborot texnologiyalari fakulteti dekani H.I. Eshankulov IT park Buxoro viloyat filiali Startup ekotizimini rivojlantirish bo`yisha menedjer O`tkir Qayumovich Xurramovni tanishtirdilar. Davra suhbati mavzusidan kelib chiqqan holda IT park Buxoro viloyat filiali Startup ekotizimini rivojlantirish bo`yisha menedjer O`.Q.Xurramov Buxoro davlat universiteti huzurida iste`dodli yoshlardan tashkil topgan ilg`or loyihalar tuzish bo`yicha jamoa shakillantirish to`g`risida taklif bildirdilar, hamda kerakli tushunchalarni berdilar. Davra suhbati davomida loyihalar tuzish bo`yicha jamoa shakillantirish to`g`risida Axborot texnologiyalari fakulteti yoshlar bilan ishlash bo`yicha dekan o`rinbosari J.J.Atamurodov kengroq to`xtalib o`tdilar. 

IT park Buxoro viloyat filiali Startup ekotizimini rivojlantirish bo`yisha menedjer O`.Q.Xurramov talabalar o‘zlarining g‘oyalarini loyihaga aylantirish uchun maslahat va ko‘rsatma berib boradigan startap platforma, mentor va murabbiylar yordamida ishlash imkoniyati mavjudligini va bugungi kunda IT Park va universitetlarning o‘zaro hamkorligi tufayli talabalar inkubatsiya markazlarida ta’lim olish imkoniyatiga ega ekanligini aytib o’tdi.

        Axborot texnologiyalari kafedrasi mudiri T.R. Shafiyev IT Park va Buxoro davlat universiteti tomonidan ko‘rsatiladigan yordam tufayli, talabalar nafaqat o‘z g‘oyalari va loyihalarini amalga oshirishlari yoki ustoz, murabbiy va mutaxassislardan yordam so‘rashlari mumkin, balki startap ekotizimning o‘zida bo‘lish va tadbirkorlik muhitini to‘liq his qilish imkoniga ega ekanligini aytib o’tdi.

        Shuningdek, davra suhbati jarayonida talabar IT park Buxoro viloyat filiali Startup ekotizimini rivojlantirish bo`yisha menedjer O`.Q.Xurramov ushbu inkubatsiya markazlari to’g’risida ma’lumot so’rashdi. O`.Q.Xurramov ushbu savolga quyidagicha javob berdi:

“IT Parkning faol faoliyati davomida O‘zbekistonda ko‘plab yoshlar haligacha «startap» nima ekanligi to‘g‘risida asosiy tushunchalarga ega emasligi aniqlandi. Buni tuzatish maqsadida, IT Park o‘z faoliyatini tubdan boshlashga, shuningdek, nafaqat tashkil etilgan tadbirkorlar va yirik IT kompaniyalar bilan, balki tadbirkor bo‘lish yoki yirik IT kompaniyalarga rahbarlik qilish istagida yurgan salohiyatli yosh va istiqbolli yoshlar bilan ishlashga katta e’tibor berib kelmoqda.
Shu tarzda, talabalar uchun mo‘ljallangan yuqori texnologiyali startap loyihalarni ishlab chiqish platformasi bo‘lib xizmat qiladigan inkubatsiya markazlarini yaratish g‘oyasi paydo bo‘ldi.”

Universitetda ochilishi rejalashtirilayotgan «Inkubatsiya markazi»da talabalar nima oladi degan savolga kafedra mudiri T.R. Shafiyev quyidagicha javob berdi:

“Inkubatsiya markazlari faoliyati doirasida talabalar uchun turli xil konsultatsiya, musobaqa, xakaton va seminarlar o‘tkaziladi. Shuningdek, universitet talabalarining inkubatsiya markazlarida vaqtini samarali va sifatli o‘tkazishiga yordam berish maqsadida, ular inkubatsiya dasturlari va ish joylari bilan ta’minlanadi”.

Talabalar tomonidan shunga o’xshash bir nechta savollarga kafedra dotsenti N.S. Sayidova ham o’z fikrini bildirdi:

“Oliy o‘quv yurtlari qoshidagi inkubatsiya markazlari yoshlarga boshlang‘ich ekotizim haqida asosiy va fundamental bilimlarni berish bilan bir qatorda, ularga o‘zlarini axborot texnologiyalari sohasida tadbirkor sifatida namoyon etishlariga yordam beradi. Shu tariqa, «startap» tushunchasi O‘zbekistondagi biron bir talaba uchun begona bo‘lmaydi”.

Bu davra suhbatida bitiruvchi talabalar kerakli xulosalarga ega bo`lib, ilg`or loyihalar jamoasini shakllantirishga o`z hissalarini qo`shish, hamda loyihalar ustida ishlash uchun o`z xoxishlarini bildirdilar va davra suhbatidan mamnun bo`lib, tadbir tashkilotchilariga va IT park Buxoro viloyat filiali Startup ekotizimini rivojlantirish bo`yisha menedjer O`.Q.Xurramovga o`z minnatdorchiliklarini bildirdilar.

Axborot texnologiyalari fakulteti matbuot xizmati: https://t.me/ITnews_BuxDu